Tag: Diamond Platnumz news

Mwanamuziki wa Bongo fleva Diamond Platnunz amerudi tena kwenye headlines baada ya mwanamke mwingine kumtuhumu kuzaa naye kisha kutekelezwa.

Mwanamke mmoja raia wa Kenya ameripotiwa kuweka kambi nje ya nyumba ya Diamond akidai kuwa hapewi pesa ya matunzo ya mtoto aliyezaa na msanii huyo. Mwanamke huyo aliyejitambulisha kama Mama Pensheni Salama anayedai kuwa raia wa Kenya aliripotiwa kukesha yeye na mtoto wake nje ya nyumba ya Diamond ikiwa ni jitihada ya kumpata msanii huyo.

Mama Pensheni alipohojiwa alieleza kuwa ni kwa muda mrefu sasa amekuwa akimtafuta Diamond bila mafanikio na amekuja Nyumbani kwake baada ya kusikia mzazi mwenza na Diamond, Zari atakuwepo nchini Tanzania hivyo ataweza kumsaidia kwani na yeye ni mwanamke kama yeye.

Walinzi wa mtaa anaoishi Diamond baada ya kumkuta Mama Pensheni  amelala nje ya nyumba ya msanii huyo walimpeleka kwa mjumbe wa mtaa kwa ajili ya kumhoji. Mjumbe wa mtaa huo, Christina Chilumba alipotafutwa na kuhojiwa alikiri kuwa ana taarifa za ujio wa mwanamke huyo na kueleza kuwa mwenyekiti ndio ana taarifa zaidi kumhusu. “Ni kweli huyo mwanamke alikuja na kulala na mtoto wake pale getini kwa msanii huyo baadae alipelekwa ustawi wa jamii lakini kwa maelezo zaidi mtafuteni mwenyekiti ambaye kwa sasa yupo kikaoni yeye atawaeleza zaidi”. Aliongea Christina.

Walipomtafuta Mwenyekiti wa mtaa huo Deo akamugisha alikiri kupata taarifa za mwanamke huyo ambaye alikiri kutokea nchini Kenya na kuja Dar es Salaam kwa ajili ya kumtafuta Diamond aliyedai ni baba wa mtoto wake.

Baba mzazi wa Mwanamuziki Diamond Platnumz, Mzee Abdul  Juma amefunguka kuhusiana na uhusiano wake na mkwe wake Zari na kukiti kuwa hajawahi kuonana naye wala kuongea naye ila ameshaongea na Wema pamoja na Hamisa.

Sio siri kuwa Diamond na Baba yake Mzee Abdul hawana uhusiano mzuri sana miaka michache iliyopita Baba wa Diamond alienda kwenye vyombo vya habari na kutangaza kuwa mwanaye Diamond hamjali kwa chochote kile na amemtupa, Diamond aliweka wazi kuwa baba yake alimkataa tangu akiwa mdogo na ni mama yake pekee ndiye aliyemlea.

Tangu hapo Diamond na  baba take wamekuwa wakiongea vitu viwili tofauti na vyombo vya habari. Baada ya kuwa kimya kwa muda mrefu Baba Diamond alirudi kwenye vichwa vya habari miezi michache iliyopita baada ya kushiriki kwenye Arobaini ya mtoto wa Hamisa ambayo mwanaye Diamond na familia yake hawakuudhuria.

Baba Diamond alipofanya mahojiano na Millard Ayo alifunguka mengi kuhusu wajukuu zake na mkwe wake Zari:

Nikitaka kuwasiliana na wajukuu zangu walio nchi za nje naonana na Mama Nasibu nampa salami tu basi lakini nikitaka kuonana na mjukuu wangu mtoto wa Hamisa kwa kuwa yupo hapa Dar karibu na ninapoishi hivyo wanakuja tu kunichukua basi lakini kusema kweli Zari sijawahi kuzungumza naye ila katika wakwe zangu mtu wa kwanza kuzungumza naye alikuwa Wema Sepetu na Hamisa Mobetto ambaye kusema kweli namshukuru kwa kunipa heshima zote Kama babu kwa kumpa mjukuu wangu jina langu kwa kweli namshukuru Sana”.

 

Mwanamuziki wa Bongo fleva na CEO wa label ya WCB, Diamond Platnumz ameweka rekodi mpya kupitia wimbo wake wa Wqka aliomshirikisha rapa maarufu kutoka Marekani, Rick Ross.

Diamond aliachia ngoma hiyo wiki iliyopita na moja kwa moja ilishika namba moja kwenye mtandao wa YouTube na kuipiku nyimbo iliyoshika namba moja kwa wakati huo ya Abdu na Ali Kiba inayoitwa single.

Ingawa hii haikuwa mara ya kwanza kwa Diamond kutoa ngoma na kisha ngoma hiyo kukubalika kimataifa zaidi alishafanya hivyo na ngoma kama My no. 1 remix aliyomshirikisha Davido lakini pia alisumbua na ngoma yake ya Hallelujah aliyomshirikisha Morgan Heritage kwa mwaka huu.

Siku mbili baada ya kuachia goma hilo la Waka ilishika nafasi ya kwanza kwa kutrend kwenye mtandao wa YouTube kwenye nchi tatu za Africa Mashariki yaani ilikuwa namba moja Tanzania, Kenya na Uganda.

Diamond hakuishia hapo akiwa amezidi kushika namba moja nchini Tanzania pia aliweza kukamata nafasi za juu kabisa kwenye nchi kama Zimbabwe, Nigeria, Ghana , South Africa na Kenya na Uganda.

Mpaka sasa video hiyo ya Diamond iliyoachiwa siku kumi zilizopita Ina jumla ya watazamaji milioni 2.8 huku ikizidi kushika namba moja.

Mume wa Mama Diamond anayejulikana kwa jina la Maisara Abdul Shamte ameingia kwenye vichwa vya habari za udaku baada ya habari kuenea kuwa ni tapeli tu.

Mama mzazi wa msanii Diamond Platnumz anayejulikana kwa jina la Bi. Sandrah alikamata headlines wiki iliyopita baada ya kumtambulisha mume wake mpya ambaye kwa watu wengi alionekana kijana Sana kuliko yeye lakini alizua mzozo zaidi pale aliposema kuwa anataka kumzalia mume wake mtoto ambaye atakuwa mdogo wa Diamond.

Sasa mume huyo mpya wa mama Diamond amerufi tena kuwa gumzo kwenye mitandao ya kijamii baada ya habari kusambaa kuwa ni tapeli we kutupwa anayewinda wamama watu wazima ili awatapeli mali zao.

Mange Kimambi kupitia ukurasa wake wa Instagram ameandika tuhuma hizo nzito dhidi ya mume wa Mama Diamond.

Huyo Maisara Abdul Shamte ni tapeli wa kutupwa, yaani Benki ya CRDB anadaiwa milioni mia na thelathini alimdanganya meneja wa crdb kuwa atamuoa akachukua mkopo akaingia mitini…amesababisha nyumba ya mama mmoja mjane imeuzwa na benki na shauri hhuyo Bi. liko mahakamani, na huyo mjane alimlaghai kwa  mapenzi akachukulia mkopo nyumba yake na huo mkopo akanunulia gari na matanuzi mengine”.

Lakini chanzo hiko hakikuishia hapo kumrushia tuhuma hizo za utapeli pia kimedai kiwa sababu pekee Shamte amekubali kumuoa Mama Diamond ni ili amtapeli kwa sababu ameona kuna mwanya wa kula pesa za Diamond:

Yaani huyo Shamte a.k.a Uncle ni tapeli sijui nikuelezeje ameshamaliza wanawake watu wazima wengi sana kuna mama wa kichaga alimuoa akamfilisi kila kitu alivyomaliza ndo amehamia kwa Mama Diamond, majuzi alijifanya ameagiza unga Irani akachukua pesa kwa Huyo Bi. Sanura ndiyo Kisa cha kumdanganya na kufunga naye ndoa na huyo Bi Sandrah alimpa Shamte milioni nane nzimaa akaenda kuzirukia bata anamdanganya eti mzungu wa unga anajifanya  anaongea lugha ya Kiirani ili awaingize mkenge”.

Mpaka hivi sasa Shamte na  familia ya Diamond haijakubali wala kukataa tuhuma hizi lakini zinazidi kusambaa mitandaoni.

Mrembo na Video queen maarufu Irene au maarufu mitandaoni kama Officiallynn amefunguka na kukiri kuwa miezi michache iliyopita alibeba ujauzito wa Diamond lakini kwa bahati mbaya ujauzito uliharibika.

Irene  alijipatia umaarufu zaidi baada ya kutokea kwenye video ya msanii wa Wasafi Classic Co. (WCB) anayejulikana kama Rayvanny kwenye wimbo wake wa kwetu na natafuta kiki.

Lakini Irene alizidi kujipatia umaarufu pale habari zilipoanza kusambaa kuwa anatembea na msanii maarufu wa Bongo fleva, Diamond Platnumz lakini taarifa hizi zilipata umaarufu zaidi kwa sababu katika kipindi hiki chote Diamond bado alikuwa jwenye uhusiano na mama watoto wake Zari.

Habari za Irene kuwa na mimba ya Diamond zilianza kusikika miezi michache iliyopita lakini kulikuwa hamna uhakika wowote kuwa kama taarifa hizi zina ukweli wowote kwani kuna watu waliodai kuwa mimba ile ilikuwa ya msanii Rayvanny, lakini tetesi hizo zilisimama baada ya mimba hiyo kuacha kuonekana na watu kudhani kuwa ameitoa au alikuwa hana mimba kabisa.

Siku ya Jana Irene alifanya mahojiano na Dizzim Online na katika mahojiano hayo Irene alikiri kuwa ni kweli alikuwa mjamzito na Mimba hiyo iliharibika na baba alikuwa Diamond:

Nilikuwa nina Mimba kweli ila ikaharibika, na ilikuwa ya Diamond”.

Tetesi za Diamond kutoka na mrembo Irene zilizidi kushika hatamu hata pale ishu ya Hamisa ilipobumburuka kwani kuna taarifa mbali mbali zilizoenea mtandaoni kuwa walionekana nchini South Africa pamoja.

Mama mzazi wa msanii Diamond Platnumz Bi. Sandrah, amejikuta katika wakati mgumu baada ya mashabiki kumsema baada ya kugoma kumtambua mtoto wa Hamisa.

Miezi michache iliyopita Diamond alikiri mbele ya uma wa Watanzania kuwa alimsaliti mpenzi wake na mama wa watoto wake Zarinah Hassan na kuzaa na mchepuko wake Hamisa Mobetto. Lakini kilichowavutia watu wengi ni kuwa Diamond hakumkataa mtoto wake bali alimkubali kwa moyo mmoja.

Lakini tangu kipindi hicho kipite hali imekuwa tofauti na watu wengi walivyofikiria kwani Diamond hana uhusiano wowote na mtoto wake na ni miezi michache tu iliyopita Hamisa ametoka kumburuza Diamond mahakamani na kudai kuwa tangu mtoto amezaliwa hajatoa matunzo yoyote.

Pia kwa upande wa familia ya Diamond haijaonyesha ukaribu wowote na mtoto wa hamisa Kama ilivyokuwa na watoto wa Diamond na Zari. Mama Diamond amekuwa akilaumiwa na mashabiki wengi kwa kumtenga mtoto wa Hamisa kwani anaonyesha mapenzi kwa watoto wa Zari lakini sio mjukuu wake kwa Hamisa.

Siku ya leo Mama Diamond kupitia ukurasa wake wa Instagram aliwajia juu watu wote wanaomkosoa kwa kupenda kuwaposti wajukuu zake wawili tu na hata mkwe wake Zari na hili ndio lilikuwa povu lake:

Mapenzi niliyonayo kwa wanangu hawa hayana mfano. Ninapomposti mkwe wangu Zari na mwanangu Diamond sifanyi kwa ajili ya kuwaridhisha wasiotupenda…Nawaposti kwa ajili ya mapenzi makubwa kwao na wajukuu zangu Tiffah na Nillan . Imani yangu sio kumkwaza mtu  au kumkebehi bali ninawapendaga sana. Akaunti hii ni Mali yangu kwaiyo asitokee mtu wa kunipangia cha kuposti au kujifanya mama/baba ushauri maisha kuchagua sio kuchaguliwa”.

Mashabiki walimjia juu Mama Diamond na kumtuhumu kuwa anamtumua Zari ili kumrusha roho na kumuumiza Hamisa lakini pia watu wamemsema Mama Diamond kwa kuwapenda watoto wa Zari Latino kumtenga mtoto wa Hamisa.

Familia ya Supastaa wa Bongo fleva, Diamond Platnumz ilidhihirisha utajiri waliokuwa nao baada ya kumwaga mamilioni ya pesa kama zawadi kwenye harusi ya Rommy Jones.

Mwishoni mwa wiki iliyopita Kaka na Dj wa Diamond, Rommy Jones alimuoa mpenzi wake wa siku nyingi anayejulikana kama Kay. Katika harusi hiyo ya kifahari iliyo hudhuriwa na mastaa kibao Familia ya Diamond ilihakikisha kuwa wanamwaga pesa za kutosha kama zawadi kwa Rommy na mkewe mpya Kay.

Diamond kama kaka wa Rommy na mtu wakw wa karibu kabisa alitoa zawadi ya nyumba iliyo na thamani ya milioni 100 ambapo Diamond aliongea maneno haya ili kuonyesha jeuri ya pesa:

Kwanza kabisa naomba nimshukuru kaka yangu kwani nimekuwa naye toka chekechea tumesoma wote mpaka sekondari kwaiyo ina maan akama asingekuwa ananiongoza pia nisingekuwa hapa nilipo, lakini pia sijamwambia Rommy mimi ntampa zawadi gani lakini mimi namwambi azunguke atafute nyumba inayofika milioni 100 mimi namlipia”.

 Lakini pia zawadi hazikuishia hapo kwani mama yake na Diamond anayejulikana kama Bibi. Sandra ambaye ni Mama mdogo wa Rommy Jones alitoa zawadi ya kiwanja ambacho kina thamani ya shilingi milioni 80 ambapo aliambiwa hati ikakamilika basi atakabidhiwa na wakili wa Mama Dangote.

Pia familia hiyo ilionyesha kufuru ya pesa baada ya maharusi hao kutunzwa pesa nyingi sana walizokuwa wanarushiwa kwa kutunzwa ukumbini hapo.

Mwishoni mwa wiki hii DJ maarufu Bongo ambaye pia anajulikana kama official DJ wa Diamond Platnumz, Rommy Jones alifunga ndoa na mpenzi wake wa siku nyingi mwanadada anayejulikana kama Kay.

Harusi hiyo ilifanyika siku ya Ijumaa na Reception ya harusi ilifanyika Siku ya jumapili kwenye ukumbi wa Cardinal Rugambwa Oyster bay. Pamoja na maharusi kupendeza kupita kiasi lakini watu walioiba shoo ukumbini hapo ni Diamond ambaye ni kaka wa bwana harusi na mpenzi wake Zari. Diamond alitumbuiza mwanzo mwisho lakini pia wawili hao walikuwa wasimamizi wa harusi lakini naomba niseme tu kuwa macho yote ya wageni waalikwa yalikuwa kwa Diamond na Zari ambao walipendeza kupita kiasi.

Harusi hiyo ilitawaliwa na wageni waalikwa wasanii maarufu na hizi ni baadhi tu ya picha za harusi hiyo;

Mwanamuziki wa Bongo fleva, Diamond Platnumz anayezidi kufanya vizuri na ngoma yake ya ‘hallelujah’ amezidi kutengeneza headlines baada ya kushirikisha wasanii wakubwa kwenye nyimbo zake.

Diamond ambaye ni juzi tu ametoka kufanya video ya wimbo wake atakao mshirikisha mwanamuziki kutoka Marekani Omarion, pia wiki chache zilizopita ametoka nchini Marekani kwaajili ya kolabo yake na msanii na rapa maarufu kutoka Marekani Rick Ross. Pia mbali na hao wote ni juzi tu Diamond katoka kupokea tuzo yake baada ya mauzo ya nyimbo yake aliomshirikisha mwanamuziki mwingine kutoka Marekani ambaye ni Neyo, kufikisha platnum mara sita.

Kwenye mahojiano aliyoyafanya na dizzim tv Diamond alifunguka na kudai kuwa hajawahi kuwalipa hats senti wasanii hao wote wala hawafati bali wao wanaona kazi zake na wanavutiwa na kumtafuta:

Mimi sijawahi kulipia kufanya kolabo na msanii yoyoye wa Marekani, na ukichunguza kiundani kolabo zangu na Wamarekani sio kitu ambacho nimejishobokesha ni watu ambao wanatakiwa kunikubali na kuupenda mziki ninaofanya ili waweze kufanya kazi na mimi ndio maana sometimes unaona kuwa siposti nikiwa nao kwasababu wao wenyewe wanafurahi na wanapenda kuposti na pia naogopa kuposti nisije kuonekana najishaua wakati hiyo sio pointi yangu mimi nachotaka ni kuuchukua mziki wa Bongo fleva kuupeleka mbele”.

Pia Diamond aliongelea album yake mpya inayokuja hivi karibuni inayoitwa ‘A boy from Tandale’ aliowashirikisha wasanii mbali mbali ndani ya Afrika na nje ya Afrika na itahusu mambo mengi kama maisha yake binafsi na nchi ya Tanzania kwa ujumla.