Tag: Barakah The Prince news

Mwanamuziki wa Bongo fleva anayefanya vizuri hivi sasa na ngoma yake ya ‘sometimes’ amefunguka kuwa amechoshwa na longolongo za label mbalimbali alizofanya nazo kazi mwanzoni huvyo kufikia uamuzi wa kufungua label yake mwenyewe inayoitwa Bana Music.

Mwaka huu umekuwa mgumu kidogo kwa Barakah kikazi kwani aliondoka kwenye moja ya label kubwa Africa Rockstar 4000 kwa like alichodai ilikuwa inamchelewesha kutoa kazi zake. Baada ya kutoa wimbo wake mpya wa ‘sometimes’ Barakah aliingia tena kwenye mgogoro na label yake ya zamani kwa kile alichodai kuwa wanamfanyia hila ili kazi zake zisifanikiwe na pia alimtuhumu maneja wake wa zamani anayejulikana kama Seven kuwa anamharibia akaunti yake ya YouTube ili watu wasiangalie kazi zake.

Barakah ametangaza ujio wa label yake hiyo inayojulikana kama Bana Music Records, aliyoshirikiana na mwanamuziki mwenzake na pia mpenzi wake Naj.

Kwenye mahojiano aliyoyafanya na Dizzim Online Barakah amefunguka kuwa ni kweli amekuwa akifanya kazi na watayarishaji na studio ambazo zinamhitaji na anazozihitaji kulingana na mahitaji;

Nimeamua sasa niliweke wazi kwa sababu watu wananionq nafanya kazi studio tofauti na wanajiuliza maswali mengi, Studio za Baba music zipo katika umaliziaji na hivi karibuni itaanza kufanya kazi na kutoa kazi zenye ubora. Kutoa kazi zenye ubora ndicho kitu tunazingatia na ninaamini utayarishaji wetu utazingatia kile ambacho mashabiki watahitaji kusikia”.

Lakini pia Barakah ameweka wazi kuwa mbali na kuwa mmoja wa waanzilishi wa studio hizo za Bana music, wapo wasimamizi wenye vigezo ambao wanasimamia label hiyo.

Msanii wa Bongo fleva Barakah the Prince ameshika tena headline baada ya kuweka wazi nia yake ya dhati ya kumshtaki Boss wake wa zamani Seven Mosha  pamoja na label nzima ya Rockstar 4000.

Barakah ameingia matatizoni na uongozi wake wa zamani, Rockstar 4000 na kumshutumu aliyekuwa boss wake. Baada ya kujitoa label hiyo ya Rockstar Barakah alitoa wimbo wake mpya unaojulikana kama ‘sometimes’ lakini tangu wimbo huo ameweka wimbo huo kwenye mtandao wa YouTube, Barakah amedai kuwa uongozi wake wa zamani umekuwa ukimfanyia vituko ilimradi asifanikiwe ambapo alisema walikuwa wanaifungia nyimbo hiyo ili nashabiki kutoka nchi za nje wasiiangalie.

Alipohojiwa na kituo cha televisheni cha  East Africa, Barakah aliongelea ishu hiyo na kuweka wazi hatua za kisheria atakazochukua:

Nilijaribu kutengeneza YouTube account mpya ili niachane na ile ya mwanzo kwa sababu ilikuwa na matatizo na Rockstar walikuwa wanaing’ang’ania lakini baada tu ya kuweka video yangu mpya mayo ikaanza matatizo kama ile video ya mwanzoni viewers wanashuka badala ya kupanda kwaiyo hapa kuna watu wawili wanaoweza kufanya hivyo aidha ni watu wa Mxcarter au Seven kutoka Rockstar, na siwezi nikaongelea tena hili suala kwa sababu kesi ilishafunguliwa polisi tunasubiria kwenda mahakamani”.

Barakah alikosa maelewano na label hiyo ya Rockstar iliyokuwa inasimamia kazi sake za kimuziki baada ya kuamua kujitoa kwa kile alichodai walikuwa wanafanya uzembe na kazi zake hata hivyo Barakah amewasihi mashabiki zake wasikate tamaa kwani ataachia nyimbo nyingine hivi karibuni.

Mwanamuziki wa bongo fleva anayefanya vizuri na ngoma yake mpya ya ‘sometimes’, Baraka Da Prince amefungukia hujuma anazofanyiwa na label yake aliyojitoa hapo nyuma ya Rockstar 4000.

Rockstar 4000 ni label ya mziki inayosimamia wanamuziki mbali mbali katika kazi zao mwaka 2016, Alikiba alipewa cheo cha kuwa mkurugenzi wa label hiyo baada ya kusimamiwa na label hiyo kwa miaka sita mfululizo mwaka huo huo Alikiba alimsaini Barakah de prince Rockstar baada ya kuhama label kadhaa, lakini mapema mwaka huu Barakah alitangaza kuondoka kwenye label hiyo na kusababisha maneno mengi kuzuka.

Katika mahojiano aliyoyafanya na Liliommy, Barakah amefunguka kuwa aliondoka Rockstar sio sababu za kimaslahi na pia changamoto anayoipata tangu kuondoka kwenye label hiyo;

Mimi niliondoka Rockstar sababu ya utoaji wangu wa kazi. Unajua Rockstar wamenifata nifanye nao kazi tayari mimi ni star na nina mashabiki wengi sana sasa tangu nianze kufanya nao kazi nimetoa nyimbo moja tu ‘nisamehe’ kwa miaka miwili kwaiyo hicho ndo kilichotokea nina nyimbo zaidi ya hamsini ndani lakini nimeishia kutoa nyimbo moja kwa miaka miwili nikashindwa kuvumilia hilo suala”.

Pia Barakah amelezea ni jinsi gani label yake hiyo aliyoihama imekuwa ikikwamisha jitahada zake zakuinua muziki amedai wamekuwa wakitumia nguvu waliyonayo katika kuharibu jitihada sake hasa kwa huu wimbo wake mpya ambao amedai tangu ameuweka YouTube waangaliaji hawaongezeki na pia amedai kuwa kuna nchi za nje kama Dubai wamekuwa hawauoni wimbo huo YouTube kitu alichodai kuwa nihujuma inayofanyika katika kumfelisha.

Mwanamuziki wa Bongo fleva wa kujiita Magufuli wa Bongo fleva, Barakah the Prince amefunguka kuhusu tetesi za yeye kumwagana na mpenzi wake na mwanamuziki mwenzake, Naj na pia afafanua mpango wake wa kuwa anatoa nyimbo mpya kila baada ya wiki moja.

Barakah anayetamba na wimbo wake mpya wa ‘Sometimes’ amekuwa na uhusiano wa kimapenzi na Naj kwa kipindi kirefu sasa ambapo siku za nyuma walikuwa ni kawaida yao kuposti picha mtandaoni wakiwa pamoja au kila mmoja kumposti mwenziye lakini ghafla taratibu hiyo ikapotea na ndipo wengi walidhani kuwa watakuwa wamemwagana.

Kwenye mahojiano aliyofanya na kituo cha televisheni cha East Africa, Barakah alifunguka yafuatayo kuhusiana na ishu hizo:

Napenda kuwaambia mashabiki zangu kuwa wimbo wangu wa ‘sometimes’ ndio wimbo wa kiwango cha chini katika listi ya nyimbo nitakazotoa ambazo ntaanza kutoa kila wiki, yaani kila wiki ntakuwa naachia ngoma mpya kwa sababu mashabiki zetu tunakuwa tunawaangusha kwasababu wanataka kila siku wawe wanasikiliza nyimbo mpya alafu pia nyimbo zikiwa nyingi inatupa changamoto wasanii ya kufanya kazi nzuri zaidi, unajua zamani nilikuwa naweza kutoa nyimbo moja kwa miezi sita sahivi nabadilisha utaratibu kwa sababu mashabiki wamebadilika na mziki ni biashara kwaiyo inabidi niangalie wateja wangu”.

Barakah pia aliongelea uhusiano wake na Naj:

Sasa mimi nasapotije kazi yake ya mziki wakati na yeye ni mwanamuziki anahitaji yeye mwenyewe kupromote kazi yake, kwanza kazi na mapenzi haviwezi kuingiliana hata siku moja nilimsapoti kwa kazi yake ilipoishia ndo hapo hapo kwani ile ni page yangu mimi mwenyewe nataka kuposti vitu vingine mbali na Naj, tukiwa Nyumbani tunaonyeshana mapenzi sio lazima tuonyeshane Instagram, lakini hajanimwaga Mimi nikimwagwa kila mtu atajua kwasababu ukinimwaga nataka uwe adui yangu mi sijaachana na Naj tungekuwa tumeachana Mimi ningesema yule sio mpenzi wangu lakini bado tuko wote ila kwa sasa yupo nyumbani kwao London”.

Mwanamuziki wa bongo fleva Barakah The Prince amesema yeye ni sawa na Raisi Magufuli kwenye gemu ya  bongo fleva kwa kuwa ana misimamo na itikadi ambazo wengi hawazipendi.

Akizungumza kwenye Planet Bongo ya East Africa radio, Barakah amesema misimamo yake na kwa jinsi ambavyo hapendi kuona anaonewa, ndio sababu ya watu kutomkubali na ndo sababu ya kuhama hama kwenye uongozi.

Barakah amesema siku zote mtu akiwa na misimamo yake na mitizamo yake binafsi lazima watu watakuona mbaya, huku akimtolea mfano Raisi Magufuli jinsi alivyo na msimamo katika harakati zake za kutetea wanyonge, kitendo ambacho kinapingwa na watu wengi sana katika jamii.

Barakah amekuwa mmoja kati ya wasanii ambaye wamekuwa akikosolewa sana kwenye mitandao ya  kijamii kutokana na maneno yake na misimamo yake hasa akiwa anawaongelea wasanii wenzake.’

Barakah the Prince ni miongoni wa wasanii wachache kutoka Tanzania ambao wako chini ya usimamizi wa kampuni ya RockStar4000.

Hivi juzi Ali Kiba aliteuliwa kuwa mkurugenzi katika kampuni hio ya RockStar4000.Hata hivyo Barakah amedhibitisha kuwa yeye hasimamiwi na Ali Kiba.

Akiongea na kipindi cha 5 Selekt ya EATV, Baraka The Prince alitoa ufafanuzi kuwa yeye ni msanii anayesimamiwa kazi zake na kampuni ya RockStar4000 na si kusimamiwa na Ali Kiba.

“Mimi sitaki sana kuzungumzia sana juu ya Alikiba kuwa Director wa RockStar4000 kwani kipindi ambacho yeye anaingia mikataba mimi nilikuwa Nairobi na wao walikuwa Afrika Kusini na sijapata nafasi kusikia chochote hivyo kwa sasa bado sijui vizuri hilo jambo, siwezi kulizungumzia japo nafahamu maana naweza kuzungumzia nikazungumza nikasema jambo lisilo la kweli. Ila nimefurahi sababu Alikiba ni kaka yangu na naishi naye vizuri na najua kuwa kazi itakwenda vizuri. Mimi ni msanii wa RockStar4000 na si msanii wa Alikiba hilo watu naomba waelewe,” alisema Barakah The Prince.