Tag: Wema Sepetu news

Muigizaji wa Bongo movie Wema Sepetu alijikuta katika wakati mgumu mapema wiki hii baada waandisha wa habari kumbana kuhusu taarifa zake za kukatwa utumbo nchini india.

Baada ya Wema kushindwa kufika mahakamani  chache zilizopita kuna taarifa zilienea kuwa Wema alienda India kwa ajili ya kukatwa utumbo ili apunguze unene aliokuwa.

Lakini tangu mwanzoni Wema amekuwa akikataa taarifa hizo na kudai yeye ni mzima lakini alikiri kiwa alienda India kwa ajili ya matibabu kutokana na ugonjwa mwingine ambao hajauweka wazi.

Kwenye mahojiano na Bongo 5, Wema alikubali kuwa alikuwa anaumwa lakini aligoma kuweka wazi alikuwa anaumwa ugonjwa gani hasa:

Ni kweli hapa katikati nilikuwa anaumwa lakani namshukuru Mungu nimepona. Siwezi kuzungumzia nilikuwa naumwa nini hiyo ni privacy yangu, sasa kama video mliiona ndio ni kweli nilikuwa naumwa lakini kuhusu ugonjwa hapana”.

Habari ya Wema kukatwa utumbo ili kupunguza mwili ilipamba moto Wikiend iliyopita baada ya kuonekana akiwa amepunguza kilo za kutosha tu Kwenye mashindano ya Miss Morogoro.

Muigizaji wa Bongo movie mwanadada Wema Sepetu amedaiwa kuwa ndani ya Penzi Zito na mfanyabiashara Lawrence Masanja maarufu kama ‘R.a.h.u.r’.

Gazeti la Ijumaa wanaripoti kuwa tetesi za uhusiano wa Wema na R.a.h.u.r zilianza kuibuka miezi kadhaa iliyopita kwenye mtandao wa Instagram baada ya Wema kuibuka mshindi wa Muigizaji Bora wa Kike na Chaguo Bora la Watu kupitia tuzo zilizofahamika kama Sinema Zetu International Film Festival (SZIFF).

Ujumbe huo ulisomeka:

People’s choice & Best Actress, Ni category kubwa sana. Hongera kwa ushindi huo, you deserve, i’m proud of you. #Maso.”

Baada ya Ujumbe huo Wema alijibu:

I’m glad i made you proud my love. It won’t stop, I promise you”.

Mapema wiki hii, R.a.h.u.r aliibua gumzo lingine kwa kuonesha picha ya fedha na kuelekeza mashabiki wake kuwa anaelekea Morogoro ambako inaaminika Wema pia atakuwa mkoani humo kwa ajili ya mashindano ya urembo yanayotarajiwa kufanyika wikiendi hii.

Baada ya Tetesi hizo kupamba moto gazeti hilo lilimsaka R.a.h.u.r ambaye alifunguka:

Kiukweli mimi huwa sipendi media,” alijibu. Alipoendelea kubanwa zaidi, aliingia mitini“.

Lakini Wema naye aliposakwa na gazeti hilo alikana Mahusiano hayo na kudai ni marafiki tu.

Mimi huyo ni mshkaji wangu tu wala hakuna kinachoendelea”.

 

Hukumu ya Muigizaji wa Bongo movie Wema Sepetu imesogezwa mbele mpaka mapema wiki hii siku ya Ijumaa ambapo itasomwa Tena.

Wema ameweka wazi kuwa hukumu hiyo iliyotangazwa kutolewa leo imehairishwa kutokana na hakimu kutaka muda zaidi wa kuweza kufanya uchunguzi wa kina.

Kwenye mahojiano na Bongo 5, Wema amefunguka haya kuhusu hukumu yake:

Hakimu kasema kuna vitu ambavyo anatakiwa kuvifanyia uchunguzi zaidi kwa undani hivyo amesema mpaka Ijumaa ndio atatoa hukumu”.

Mwaka jana Wema Sepetu na wafanyakazi wake wawili mnamo tarehe 23 Aprili 2018 walikutwa na kesi ya kujibu katika Mahakama ya Hakimu Mkazi Kisutu kutokana kukabiliwa na kesi ya kutumia Madawa za kulevya.

Mwandada wa sepetu amefunguka na kuzungumzia  mkanganyikounaoendelea kati ya familia mbili za wazazi wa patrick ambapo wazazi hao wawili wamekuwa wakigombania maiti ya mtoto aliyefariki hivi karibuni.

akiwa kama rafiki ya muna hapo awali kabla hawajagombna a, wema sepetu anaelezea sababu kubwa iliyomfanya yeye na mama yake kwenda kuhani msiba na kusubiria maiti nyumbani kwa peter mwananyamala na sio mbezi kwa muna kama mama mzazi wa mtoto anavyosema.

alielezea sababu iliyomfanya aonekane katika msiba ni kwaba aliwahi kuishi na patrick kwaio hawezi kuacha kuja kwenye msiba kwa sababu ameishi na mtoto na msiba umemuuma sana.

ki ukweli msiba umeniuma sana kwa sababu patrick ni mdogo na alikuwa akinijua na nimeishi nae muda mrefu but hivyo vingine sijui.

Lakini pia akielezea kuhusu mahali sahihi msiba unapotakiwa kuwepo, Wema anasema kuwa yeye ameamua kuja kwa peter kwa sababu anavyojua yeye misiba ya muna imekuwa ikifanyika pal na hata msiba wa baba yake muna ulifanyika hapo.

mimi sijaongea na Muna chochote kuhusu msiba lakini nimekuja hapa kwa sababu misisba yote tunafanyia hapa , hata msiba wa baba yake muna tulifanyiaga hapa na tulizika hapa kwaio hayo mengine mimi sijajua

Meneja wa staa wa Bongo movie Wema Sepetu anayejulikana kama Neema Ndepanya amejikuta akikosa cha kujibu baada ya kuulizwa kuhusu hali ya kiafya ya Wema Sepetu.

Siku za hivi karibuni kumekuwa na tetesi nyingi Kwenye mitandao ya kijamii zinazodai Wema alienda nchini India wiki chache kwa ajili ya kukatwa utumbo.

Wema na uongozi wake walikataa tetesi hizo na kusisitiza kuwa yeye ni mzima wa afya lakini taarifa hiyo imeingia doa baada ya video yake ikimuonyesha anaumwa hoi hospitali kusambaa mtandaoni.

Baada ya kuvuja kwa video hiyo,Risasi Jumamosi lilimsaka Wema ili kupata ukweli juu ya afya yake lakini kama kawaida yake simu iliita bila kupokelewa na lakini walipompigia Meneja wake alipokea na kujikanyaga na kupata kigugumizi:

Jamani nipo mbele ya watu hapa siwezi kuongelea suala hilo nitakutafuta baadaye tuongee”.

Lakini alipotafutwa hakutaka kuongea tena Lakini pia Mama Wema alipotafutwa alidaiwa kuporomosha matusi ya nguoni bila majibu yoyote.

Mwanadada wema sepetu amejitokeza katika ukurasa wake wa instagram na kuwashukuru wananchi wote wenye imani na Rc Makonda  kwa kufikisha followers million moja katika ukurasa wa kiongozi huyo ambae kwa upande wake anasema kuwa ni moja ya viongozi wanaopendwa sana na watu na ni kiongozi wa kwanza kufikisha idadi hiyo ya wafuasi.

katika ukurasa wake wa instagram, wema sepetu aliandika “ndugu zangu wapendwa napenda kutoa shukrani zangu za dhati kwa kumfikishia follower 1m  mr dar es sallam….hongera kakangu kwa kufikisha 1m followers, umebreak record ya viongozi wote wenye flowers wengi ..unakubalika kakangu…wasiokukubali tunajua matatioz yao…ila mi ugomvi siwezagi”

Wema Sepetu na makonda kwa sasa wamekuwa karibu kama kaka na dada ukiachilia mbali sakata la madawa ya kulevya na kesi yake inayoendelea ambayo  ni kampeni iliyoanzishwa na Rc huyo.

Kuna  video inasambaa katika mitandao ya kijamii ikimuonyesha Wema Sepetu akiwa mgonjwa na akiwa maeneo ya hospitali ,habari zinazosambaa zinasema kuwa wema sepetu amelazwa katika hospitali moja wapo huko jijini Dar Es Salaam huku sababu kubwa ikiwa bado haijajulikana kuwa ni nini.

Hivi karibuni kuna habari zilisambaa kuwa mwanadada huyo alikwenda nje ya nchi kwa ajili ya kufanyiwa upasuaji wa kukata utumbo ili kupunguza mwili.

Taarifa zilizowahi kutolewa na mwanadada Mange Kimambi zinasema kuwa Wema Sepetu aliamua kusafiri na kwenda nje ya nchi kwa ajili ya kupunguza uzito na mwili mkubwa.

 

 

Meneja wa staa wa Bongo movie Wema Sepetu, Neema Ndepenya amekana tetesi zilizoenea Kwenye mitandao ya kijamii kuwa Wema amekatwa utumbo.

Wiki iliyopita Mwanaharakati wa siasa Mtandaoni Mange Kimambi aliuambia uma wa Watanzania Kupitia ukurasa wake wa Instagram kuwa Wema amekatwa utumbo.

Mange alidai kutokana na kuzidiwa na uzito mkubwa (ubonge) Wema alipata ofa ya kwenda nchini India kwenda kukatwa utumbo kwa ajili ya kupunguza kilo.

Kwenye mahojiano na Global Publishers Neema alisema habari hizo zilizozagaa mtandaoni si za kweli bali ni za nia ya kumchafua staa huyo kitu ambacho wao wamekipuuzia.

Unajua kuna habari nyingine unasikia wala kichwa chako hakiwezi kuuma hata kidogo kwa sababu ni za kizushi, Wema alikwenda India kwa matibabu yake binafsi”.

Wema alikwenda nchini India hivi karibuni na kuzua gumzo baada ya kushindwa kuhudhuria kesi yake ya madawa ya kulevya katika Mahakama ya Kisutu jijini Dar na ndipo ilipotoka taarifa ameenda kufanyiwa upasuaji lakini haijajulikana ni upasuaji gani alienda kufanyiwa.

Mahakama ya Hakimu Mkazi Kisutu, jijini Dar es Salaam, imeaza kusikiliza utetezi wa mshtakiwa ambaye ni muigizaji, Wema Sepetu na wafanyakazi wake wawili, Angelina Msigwa na Matrida Abass, baada ya mahakama hiyo kuwaona wana kesi ya kujibu katika mashtaka yanayowakabili ya kutumia dawa za kulevya.

Katika kesi ya msingi, Wema anatuhumiwa kukutwa na msokoto mmoja wa bangi na vipande viwili vidogo vya bangi vyenye uzito wa gramu 1.08. ambapo wote kwa pamoja wanashtakiwa kwa kosa moja la kukutwa na kiasi hicho cha dawa za kulevya.

Watuhumiwa hao wameanza kujitetea mbele ya Hakimu mkazi mkuu, Thomas Simba na washtakiwa hao wanatetewa na wakili Alberto Msando ambaye alikuwa akiwaongoza katika kuwauliza maswali juu ya nini wanafahamu kuhusiana na tukio hilo kuanzia Februari 4, 2017 hadi walipofikishwa polisi.

Kwa nyakati tofauti watuhumiwa hao wameeleza kila kitu wanachokifahamu juu ya tukio hilo ambapo hakimu Simba alikuwa akiandika kile walichokuwa wakieleza.

Kwa upande wa mashtaka, umeongozwa na wakili wa Serikali, Constantine Kakula, ambapo kesi hiyo imeahirishwa hadi Julai 16 mwaka huu ambapo hakimu atatoa uamuzi.

Inadaiwa kuwa Wema na wenzake walitenda kosa hilo Februari 4 mwaka huu, nyumbani kwao Kunduchi Ununio , Wilaya ya Kinondoni Mkoa wa Dar es Salaam.

Muigizaji wa Bongo movie Wema Sepetu alifika mahakama ya Kisutu siku ya jana baada ya kutoka nchini India Kwenye matibabu na kufanyiwa upasuaji.

Wema anakabiliwa na kesi ya kutumia madawa ya kulevya na kesi yake imekuwa ikiendelea kusikilizwa tangu mwaka jana.

Wema alifika na wafanyakazi wake wawili wanaokabiliwa na kesi ya kutumia dawa ya kulevya katika Mahakama ya Hakimu Mkazi Kisutu,  wataanza kujitetea Juni 19, mwaka huu.

Wema na wenzake walipaswa kuanza kujitetea leo Juni 13 mbele ya Hakimu Mkazi Mkuu, Thomas Simba,  na kwa upande wa mawakili ni Cosstantine Kakula wa Serikali na Wakili wa Utetezi, Albert Msando.

Lakini hata hivyo watuhumiwa hao walishindwa kujitetea siku ya jana kutokana na kwamba Hakimu Simba alikuwa na kazi nyingine na kesi imeahirishwa hadi Juni 19, mwaka huu ambapo washtakiwa wataanza kujitetea.